香蕉曲奇!

係....大家無睇錯!!

係香蕉曲奇.....唔係香蕉蛋糕!!

我自己都有一點意外!!

其實某日係facebook見朋友整香蕉曲奇...

我當然好奇地問la!!因為我未聽過~~~

仲問朋友拎個食譜試下整~~~剛好又有香蕉係手!!

咁就試下佢la~~~材料入面有玉桂粉!!所以味道有d玉桂味~~~又有d香蕉味咁~~

不過焗出黎係似蛋糕多d~~入面質地係蛋糕!!出黎一陣食~~就係外脆內軟~~~

不過再放一會~~~佢係一塊蛋糕law!!

不過味道ok~~我下次會再改良一下!!睇下可唔可以整脆佢~~哈哈!!

材料：

1杯 壓爛的香蕉蓉（大約2隻半大香蕉）
1/2杯 牛油（放置到室溫軟化）
3/4杯 糖
1隻 雞蛋（室溫，打散）
1茶匙 蘇打粉(baking soda)
2杯 麵粉(plain flour)
少許 鹽
1/2 茶匙 玉桂粉
1杯 核桃碎或巧克力碎（隨自己喜歡）

做法：

1. 先把焗爐預熱至180度C. 把軟化的牛油與糖拌勻成鬆軟狀。加入蛋汁，繼續搞拌，再成鬆軟的糊漿。
2. 用一個大碗，在壓爛的香蕉蓉中放下蘇打粉拌勻，並放置兩分鐘。蘇打粉會跟香蕉中的酸性成份反應，令曲奇餅鬆起。
3. 把香蕉蓉混合物放入第1項的牛油糊漿中拌勻。把麵粉，鹽和玉桂粉混和，篩入牛油糊漿和香蕉蓉中拌勻。最後，加入核桃碎或巧克力碎（如果喜歡的話）。
4. 在焗爐用的牛油紙baking paper上，逐一放下拌好的粉漿，放入焗爐中，焗約13至15分鐘，或直到曲奇餅的表面轉金黃色。取出放在鐵架上待涼。